Vaksina kundër gripit mund të shpëtojë jetën e njerëzve me sëmundje kardiovaskulare duke reduktuar komplikimet kardiake si dhe duke parandaluar gripin.
Një studim ndërkombëtar i udhëhequr nga studiues të Universitetit McMaster dhe i botuar në The Lancet Global Health, ka zbuluar se vaksinat e gripit reduktojnë pneumoninë ashtu edhe komplikimet kardiovaskulare te njerëzit me dështim të zemrës, shkruan Medical Xpress përcjell Gazeta Shneta.
“Nëse keni dështim të zemrës, duhet të merrni një vaksinë kundër gripit sepse mund t’ju shpëtojë jetën – kjo është ajo që kemi gjetur në këtë studim,” tha hulumtuesi kryesor i studimit, profesor Mark Loeb, nga McMaster i fushës së patologjisë dhe mjekësisë molekulare.
Studimi tregoi se gjatë gjithë vitit, vaksina e gripit reduktoi pneumoninë me 40% dhe shtrimin në spital me 15% në pacientët me dështim të zemrës. Gjatë sezonit të gripit në vjeshtë dhe dimër, vaksina e gripit reduktoi vdekjet me 20% në këta pacientë.
Të dhënat e mbledhura gjatë sezonit të gripit treguan gjithashtu se vaksina ndihmoi në mbrojtjen kundër komplikimeve kardiovaskulare, si sulmet në zemër dhe goditjet në tru.
Ndërsa gripi ka qenë prej kohësh i lidhur me një rrezik në rritje të ngjarjeve kardiovaskulare kërcënuese për jetën, profesor Loeb tha se njerëzit me dështim të zemrës janë tashmë të prekshëm ndaj rezultateve të dobëta shëndetësore.
Studimi është prova e parë klinike e efektivitetit të vaksinës së gripit në pacientët me dështim të zemrës. /Gazeta Shneta/