Shtetet anëtare të Bashkimit Evropian shumë shpejtë do të kenë të drejtën që të aplikojnë vaksinën Moderna tek adoleshentët 12 deri në 17 vjeç.
Kjo pasi sot është miratuar që vaksina Moderna të aplikohet te adoleshentët shkruan Reuters, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Përdorimi i vaksinës, Spikevax, do të jetë i njejtë sikurse te personat mbi moshën 18-vjeçare, bëri të ditur Agjencia Evropiane e Barnave (EMA).
Vaksinimi i fëmijëve është konsideruar i rëndësishëm për arritjen e imunitetit të tufës dhe parandalimin e infektimit me variantin e ri, Delta.
Në muajin maj, vaksina Moderna deklaroi se është efektive dhe e sigurt tek adoleshentët.
EMA njoftoi se doza e parë me të dytën do të ketë diferencë katër javë dhe shumë nga adoleshëntët mund të kenë simptoma të lehtë ose aspak.
Aktualisht, Spikevax është duke u përdorur në vendet e Bashkimit Evropian tek personat mbi moshën 18-vjeçare, si dhe në Shtetet e Bashkuara dhe Kanadë./GazetaShneta/