Lajmi për dy variante të reja të koronavirusit – varianti i zbuluar në Mbretërinë e Bashkuar dhe ai i Afrikës së Jugut – kanë bërë që njerëzit në të gjithë botën të shqetësohen rreth koronavirusit.
Ndërsa viruset mutohen shpesh në të gjitha kohërat, dy variantet e reja të Covid-19 kanë shqetësuar shkencëtarët dhe publikun shkruan Best Life.
Por edhe pse këto variante të reja duket të jenë shumë më të transmetueshme sesa lloji aktual dominant, ka më në fund disa lajme të mira:
Një nga vaksinat kryesore kundër Covid, sapo u konfirmua se ishte efektive kundër të dy shtameve të reja të virusit përcjell Gazeta Shneta.
Një studim i ndërmarrë nga Pfizer dhe shkencëtarë nga dega Mjekësore e Universitetit të Teksasit, i cili ende nuk është rishikuar nga kolegët, tregon se vaksina Pfizer-BioNTech, Covid-19 është efektive kundër variantit të Britanisë së Madhe dhe atij të Afrikës së Jugut që janë aktualisht në qarkullim.
Për të kryer hulumtimin, mostrat e gjakut u morën nga 20 persona që morën vaksinën Pfizer-BioNTech, raporton Reuters.
Studimet laboratorike më pas zbuluan se mostrat kishin nivele neutralizuese të antitrupave që dukeshin se punonin në versionet e inxhinieruara të varianteve të reja.
Ekspertët kishin supozuar se vaksinat aktuale do të ishin efektive kundër variantit të Mbretërisë së Bashkuar, por lloji i Afrikës së Jugut ishte më shumë shkak për shqetësim.
Profesori Shabir Madhi, i cili drejtoi provat për vaksinën Oxford-AstraZeneca në Afrikën e Jugut, i tha BBC në fillim të kësaj jave se është një “shqetësim i arsyeshëm” që varianti i Afrikës së Jugut mund të jetë më rezistent ndaj vaksinës.
Sidoqoftë, studimi i Pfizer duket se “qetëson çdo shqetësim në lidhje me mungesën e mbulimit të vaksinave për variantet”, tha Daniel Altmann, profesor i imunologjisë në Imperial College London, për Guardian.
“Neutralizimi i variantit duket i shkëlqyeshëm nga ky studim,” shtoi ai. /Gazeta Shneta/