Foshnja juaj mbrohet në mitër gjatë shtaztënisë nga një qese e mbushur me lëng, e quajtur qesja amniotike – placentë.
Kjo qeskë përbëhet nga dy shtresa të membranave, të cilat veprojnë si një pengesë për të mbrojtur kundër baktereve që shkaktojnë infeksione shkruan Bellybelly.au përcjell Gazeta Shneta.
Për shumicën e grave membranat këputen, dhe ujërat e tyre ‘prishen’ në një moment gjatë procesit aktive të lindjes zakonisht gjatë fazës së parë ose të dytë.
Ekziston një rrezik i infeksionit në këtë fazë sepse lëngu amniotik rrjedh poshtë dhe lindja e foshnjës zakonisht pason menjëherë pas kësaj.
Cili është rreziku real i infektimit pas ‘prishjes së ujit’?
Në rreth 8-10% të lindjeve, qesja amniotike çahet para se të fillojë lindja. Kjo është e njohur si këputje e parakohshme e membranave.
Gratë që përjetojnë këputje të parakohshme të membranave mund ta gjejnë veten duke ndjerë presionin për të shkuar në lindje sa më shpejt të jetë e mundur për shkak të rritjes së rrezikut të infektimit.
Për të mësuar më shumë rreth komplikimeve gjatë shtatzënisë KLIKO KËTU.
Nëse ujërat tuaj prishen në periudhën e plotë para fillimit të lindjes, një nga vendimet më të rëndësishme me të cilën do të përballeni është nëse do të nxisni lindjen ose të prisni që lindja të fillojë vetë.
Sa më e gjatë të jetë koha midis këputjes së qeses amniotike dhe lindjes së foshnjës, aq më shumë ka të ngjarë që ju ose foshnja juaj të zhvillojë një infeksion.
Sidoqoftë është e rëndësishme të theksohet se rreziku nuk është shumë i lartë.
Rreziku i infeksionit për foshnjën është rreth 2% (2 në çdo 100 foshnje) nëse prisni që lindja të fillojë vetë.
Poashtu, thuhet se rreziku që nëna të zhvillojë një infeksion mund të zvogëlohet nëse ajo është kontrolluar për streptokokun e grupit B.
Gratë që vendosin të presin që lindja të fillojë spontanisht pas shkëputjes membranore, ka të ngjarë të bëjnë më shumë teste vaginale para se të fillojë lindja.
Rreziku i infeksionit rritet në përpjesëtim me numrin e ekzaminimeve vaginale që bën një grua.
Edhe nëse ofruesit e kujdesit shëndetësor përdorin doreza sterile kur kryejnë ekzaminime vaginale, gishtat e tyre mund të shtyjnë bakteret nga pjesa e jashtme e vaginës lart drejt qafës së mitrës.
Hulumtimet kanë treguar se ekzaminimet vaginale mund të dyfishojnë numrin e baktereve në qafën e mitrës. /Gazeta Shneta/