Studimi i tre vaksinave të autorizuara në Shtetet e Bashkuara ka zbuluar se vaksina Moderna ka më shumë efektivitet sesa ajo nga Pfizer, dhe vaksina Johnson&Johnson radhitet e treta, e cila siguron 71 për qind mbrojtje.
Vaksina nga Pfizer siguron 88 për qind mbrojtje kundër hospitalizimit dhe Moderna me 93 për qind efektivitet shkruan CNN, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Qendrat Amerikane për Kontrollin dhe Parandalimin e Sëmundjeve kanë monitoruar studimin prej më shumë se 3 mijë e 600 të hospitalizuarve me Covid mes muajit mars dhe gusht.
“Tek të rriturit amerikanë, efektiviteti i vaksinës kundër hospitalizimit gjatë periudhës 11 mars-15 gusht, ishte më i lartë për vaksinën Moderna (93%) sesa Pifzer (88%) dhe vaksina J&J (71%)”, thuhet në raportin javor të CDC.
Ata zbuluan se ndryshimi më i madh mes vaksinës nga Moderna dhe Pfizer u nxit nga një rënie që filloi rreth katër muaj pasi njerëzit u vaksinuan plotësisht me vaksinën Pfizer.
“Dallimet në efektivitetin e vaksinës Moderna dhe Pfizer mund të jenë për shkak të përmbajtjes së lartë të ARN-së në vaksinën Moderna, ndryshimeve në distancën mes dozave (3 javë për Pfizer kundrejt 4 javëve për vaksinën Moderna)”, shkroi ekipi./Gazeta Shneta/