Vaksinat ulin rrezikun e zhvillimit të formës së rëndë të COVID-19 me të paktën 90% të shanseve, zbulon një studim i mostrës – 23 milionë njerëzve.
Mbrojtja nga vaksina anti – COVID zgjati të paktën pesë muaj tek njerëzit e moshës 50 deri në 75 vjeç, shkruan Bussiness Insider përcjell Gazeta Shneta.
Studimi i kryer nga organizata shkencore Epi-Phare e mbështetur nga qeveria franceze, zbuloi se pesë muaj pas vaksinimit, njerëzit e moshës mbi 75 vjeç kishin 94% më pak gjasa të shtroheshin në spital sesa personat e pavaksinuar në të njëjtën grupmoshë.
Reduktimi i rrezikut për ata të moshës 50 deri në 74 vjeç ishte edhe më i lartë, në 97%, thanë autorët e studimit në një deklaratë për shtyp.
“Kjo do të thotë që personat që janë të vaksinuar kanë nëntë herë më pak rrezik të shtrohen në spital ose të vdesin nga COVID-19 sesa ata që nuk janë vaksinuar,” tha epidemiologu Mahmoud Zureik, i cili mbikëqyri hulumtimin, për Agence France-Presse.
Ky studim i cili përdori të dhëna nga ‘Sistemi Francez i të Dhënave Shëndetësore Kombëtare’, është një nga më të mëdhenjtë në llojin e tij, që përfshin një total prej 22.6 milion njerëz – 7.2 milion persona mbi 75 vjeç dhe 15.4 milion të moshës 50 deri në 74 vjeç.
Ndër të tjera, ky studim i shtohet një trupit në rritje të kërkimeve të botës reale nga Mbretëria e Bashkuar, SHBA dhe Izraeli që vaksinat mbrojnë kundër COVID-19 të formës së rëndë për të paktën pesë muaj. /Gazeta Shneta/