Një studim i madh nga Ontario konfirmon se variantet shqetësuese të SARS-CoV-2 (VOCs), veçanërisht varianti Delta, janë më virulente sesa lloji burimor i virusit, duke rritur rrezikun e njerëzve për shtrimin në spital, pranimin në njësinë e kujdesit intensiv (ICU) dhe humbje jete për shkak të COVID-19. Hulumtimi është botuar në CMAJ (Canadian Medical Association Journal).
Studimi përfshiu 212,326 raste të COVID-19 të raportuara midis 7 shkurtit dhe 26 qershorit 2021, në Ontario, provinca më e madhe e Kanadasë me një popullsi prej gati 14.8 milion banorësh, shkruan MedicalxPress përcjell Gazeta Shneta.
Variantet shqetësuese përfshijnë ato me mutacionin N501Y si Alfa, Beta dhe Gama si dhe Delta, të cilat kanë zëvendësuar llojin origjinal SARS-CoV-2.
Deri në prill 2021, varianti Delta ishte i pranishëm në Ontario dhe ishte lloji dominues deri në muajin korrik 2021.
Shfaqja e varianteve të reja SARS-CoV-2 ka ngadalësuar dalje nga pandemia në tre mënyra të dallueshme, përkatësisht duke rritur transmetueshmërinë dhe numrin e riprodhimit të virusit, duke zvogëluar përgjigjjen imune dhe duke ndikuar në rënien e efektivitetit të vaksinës si dhe duke rritur virulencën e SARS-CoV-2″, shkruajnë bashkëautorët Dr. David Fisman dhe Ashley Tuite, nga Universiteti i Torontos, Ontario.
Disa nga gjetjet e këtij studimit janë këto:
– Njerëzit e infektuar me variantet COVID ishin më dukshëm në mesin e të rinjve dhe më pak të ngjarë të kishin sëmundje shoqëruese.
– Infeksionet me të mëdha ishin më të zakonshme në zonën e Torontos dhe Hamilton, zona më e madhe metropolitane e Ontarios.
– Variantet Delta ishin dukshëm më pak të zakonshme në Otava, zona e dytë metropolitane më e madhe e Ontarios.
Me infeksionet Alfa, Beta dhe Gama, rreziqet e shtrimit në spital ishin 52% më të larta, pranimi në kujdesin intensiv ishte 89% më i lartë dhe humbja e jetës si pasojë e infeksionit ishte deri më 51% ndërsa me infeksionet Delta, rreziqet ishin përkatësisht 108%, 235% dhe 133% më të larta në krahasim me variantet e tjera. /Gazeta Shneta/