Një tjetër foshnje palestineze ka humbur jetën si pasojë e të ftohtit ekstrem në Rripin e Gazës, duke e çuar në nëntë numrin e fëmijëve që kanë vdekur nga shkaqe të lidhura me temperaturat e ulëta që nga fillimi i sezonit të dimrit.
Burime mjekësore bënë të ditur për Anadolu se foshnja 7-muajshe, Shatha Abu Jarad, nga lagjja Al-Daraj e qytetit të Gazës, ndërroi jetë pasi zemra e saj u ndal papritur për shkak të të ftohtit të skajshëm.
Kjo vdekje e fundit vjen në një kohë kur popullata palestineze në Gaza po përballet me kushte të rënda humanitare. Shumë familje janë të detyruara të jetojnë në tenda ose strehimore të mbipopulluara, pa kushte minimale jetese, përfshirë mungesën e batanijeve, veshjeve të ngrohta dhe mjeteve për ngrohje.