Vetëm 531 qytetarë në 24 orët e fundit kanë marr dozën e parë të vaksinës kundër Covid-19 në Kosovë.
Ministria e Shëndetësisë ka njoftuar se në 24 orët e fundit janë administruar 5287 doza të vaksinave, por prej tyre vetëm 531 janë doza të para, shkruan Gazeta Shneta.
Nga fillimi i procesit të vaksinimit në mars të këtij viti e deri më sot, janë administruar gjithsej 1.525.230 doza të vaksinës. Deri më sot 691.004 qytetarë janë vaksinuar me dozën e dytë.
Ndryshe Kosova rënditet e katërta në rajon me përqindje të vaksinimit me dy doza në 100 mijë banorë.
Për të shtuar numrin e administrimit të dozave të para, Ministria e Shëndetësisë ka filluar vaksinimin nga ekipet mobile në sheshin “Zahir Pajaziti” në Prishtinë. /Gazeta Shneta/