Më 2 maj ishte rihapur Qendra Kryesore e Mjekësisë Familjare në Fushë-Kosovë, pas renovimit të plotë e pas një muaji kjo qendër si duket ka përsëri nevojë për renovim për shkak të prishjeve të cilat i ka në tavanet ku këto të fundit edhe pikojnë ujë.
Një video e shpërndarë në facebook tregon gjendjen në të cilën gjendet kjo QKMF pas renovimit, shkruan Gazeta Shneta.
Lëvizja Vetëvendosje në Fushë Kosovë ka postuar një video ku shihen dëmtimet të cilat i ka QKMF-ja. Këta të fundit përmes një postimi kanë akuzuar ekzekutivin për keqmenaxhim të parave.
Komuna e Fushë-Kosovës kishte investuar qindra-mijëra euro për renovim e QKMF-së “Dr.Fatmir Krasniqi”. Pothuajse një muaj pas renovimit të saj, gjendja e kësaj qendre është në këtë situatë të tmerrshme dhe aspak e përshtatshme për nevojat e qytetarëve.Këto para të shpenzuara e të menagjuara keq nga ekzekutivi, janë tregues i qartë se puna e tyre nuk i shërben të mirës dhe nevojave të qytetarëve,- thuhet në postim.
Ata kanë kërkuar përgjegjësi për këto para të taksapaguesve. /Gazeta Shneta/
Videoja gjendjen në të cilën gjendet kjo QKMF: