Fëmijët me nivel të ulët të vitaminës D në gjak kanë rrezik më të rritur të sulmeve në zemër dhe në tru.
Efekti i niveleve të ulëta të vitaminës D në sistemin kardiovaskular te personat e rritur tashmë dihet prej shumë kohës, por viteve të fundit del në pah edhe efekti i saj te fëmijët.
Studimet, ku janë përfshirë afro katër mijë fëmijë, kanë treguar se fëmijët me nivel më të ulët të vitaminës D kanë rrezik 2.36 herë më të madh për presion të rritur të gjakut.
Niveli i ulët i kësaj vitamine po ashtu shton për 2.54 herë gjasat për të pasur nivel të rritur të sheqerit në gjak si dhe mesatarisht 54% nivel më të ulët të përqendrimit të të ashtuquajturit kolesterolit të mirë (HDL).
Përveç që merret përmes ushqimeve dhe suplementëve, vitamina D sintetizohet edhe nga vetë organizmi kur njerëzit i ekspozohen diellit.
Personat nën moshën 50 vjeçe preferohet të konsumojnë 200 njësi ndërkombëtare (IU) me vitaminë D, që është një ekuivalent për 15 minuta të kaluara në dritë të diellit. /MjekuNET/