Ministri i Shëndetësisë Arben Vitia ka bërë të ditur se aktualisht në stokun e Institutit Kombëtar të Shëndetit Publik dhe komunave janë mbi 132 mijë vaksina Astra Zeneca dhe mbi 53 mijë doza Pfizer.
“Kemi mbi 38 mijë vaksina Pfizer në stoqet e IKSHPK-së dhe mbi 15 mijë doza të dyta në stoqet e komunave. Ndërsa kemi mbi 132 mijë vaksina Astra Zeneca në IKSHPK dhe mbi 5 mijë nëpër komuna”, ka bërë të ditur Vitia.
Këto deklarata Vitia i ka dhënë në konferencë për media bashkë me kryeministrin Albin Kurti pas mbledhjes së Këshillit Kombëtar të Sigurisë.
Kurti dhe Vitia iu kanë bërë thirrje qytetarëve që të kujdesen për shëndetin e njëri-tjetrit duke u vaksinuar dhe duke respektuar masat në fuqi për mbajtjen e maskës, distancës dhe higjienën. /Gazeta Shneta/