Ministri Vitia ka vazhduar raportimin e tij para deputetëve të Komisionit parlamentar për shëndetësi.
Ai ka folur edhe për specializimet ku ka përmendur disa parregullësi dhe pa planifikim që sipas tij janë gjetur pas ardhjes së tij në zyrën e ministrit të Shëndetësisë, shkruan Gazeta Shneta.
Vitia ka thënë se në proces të specializimeve janë përfshirë specializantë edhe pas mbylljes së konkursit duke ngritur pikëpyetje se si janë pranuar në konkurs.
Ai ka deklaruar poashtu se një pjesë e specializantëve janë përfshirë në paga me vendim të Qeverisë, por buxheti për ta nuk është alokuar. Vitia poashtu ka thënë se ndonëse udhëzimi administrativ e parasheh që një mentor të ketë më së shumti tre specializantë, tani do të kenë nga 12 specializantë.
Ai ka thënë se ky proces është i dëmshëm dhe do të ketë pasoja të pariparueshme. /Gazeta Shneta/