Ministri i Shëndetësisë Arben Vitia ka shkarkuar anëtarët e Bordit Qendror për Shkollim Specialistik.
Anëtarët e emëruar nga ish-ministri Armend Zemaj në korrik të vitit të kaluar, janë zëvendësuar me profesionistë të tjerë, shkruan Gazeta Shneta.
Bordi qendror për shkollim specialistik do të kryesohet nga kryetari i ri, kardiologu Edmond Haliti, ndërsa anëtarët tjerë janë: Driton Vela, Blerim Myftiu, Zana Sllamniku, Rozafë Koliqi, Pranvera Zejnullahu, Ilire Bunjaku, Mentor Bislimi dhe Arsim Kurti.
Rozafë Koliqi ka qenë anëtare e këtij Bordi edhe në përbërjen e kaluar por kishte dhënë dorëheqje për shkak të pakënaqësive para shpalljes së konkursit për specializime.
Anëtarë të tjerë të përbërjes së kaluar të Bordit kanë qenë: kryesues Labinot Shahini dhe anëtarët, Milazim Gjocaj, Gloria Staka, Serbeze Kabashi, Bedri Braha, Albiona Rashiti, Albana Morina, Florije Rexhepi dhe Fahrije Merovci.
Ky Bord u kritikua për shpalljen e specializimeve të paplanifikuara dhe mbingarkesën e klinikave me numër të madh të specializantëve të rinj. /Gazeta Shneta/