Nga të gjithë miliona dollarët e investuar me nxitim në hulumtimin e COVID-19 që nga fillimi i pandemisë, shumica e tyre i është kushtuar barnave dhe vaksinave, në krahasim me mjetet parandaluese të masave shëndetësore publike dhe sociale (PHSM).
Masat shëndetësore publike dhe sociale përfshijnë bartjen e maskave, distancimin fizik, larjen e duarve, bllokimet dhe mbylljet e përkohshme, shkruan Medical News Today përcjell Gazeta Shneta.
Sidoqoftë, një përmbledhje e hulumtimeve kryesore mbështet vlerën e distancës fizike dhe mbajtjes së maskave si mënyra për të shmangur infeksionin SARS-CoV-2.
Një meta-analiza e hulumtimit ekzistues, zbuloi se mbajtja e maskave çoi në një ulje prej 53% të incidencës së infeksioneve SARS-CoV-2, ndërsa distancimi fizik u shoqërua me një reduktim prej 25%.
Punimi i botuar shfaqet së bashku me një editorial me autorë të udhëhequr nga Prof. Paul Glasziou i Universitetit Bond në Australi dhe ky studim shfaqet në revistën The BMJ.
Autorët ekzaminuan 36,729 studime. Prej tyre, 72 plotësonin kriteret e përfshirjes, si për shembull të ishin lloji i duhur i studimit dhe të botuara në anglisht. Ndërsa nga kjo shifër e fundit, vetëm 35 studime ishin të lidhura me masat shëndetësore publike dhe sociale, si dhe impaktin e tyre në efektivitetin individual. /Gazeta Shneta/