Që nga fillimi i shpërndarjes së koronavirusit në Itali, 100 mjek italian kanë humbur jetën për shkak të virusit vdekjeprurës.
Çdo ditë mjekët po luftojnë me infeksionin e koronavirusit. Lajmi tragjik për dhjetëra mjek që janë vrarë nga virusi është bërë i ditur nga shoqata italiane e shëndetit FNOMCeO të enjten, raporton Al Jazeera, transmeton Gazeta Shneta.
Për shkak të mungesës së punonjësve të kujdesit shëndetësor, qeveria italiane u detyrua të kërkojë ndihmë nga mjekët tashmë në pension.
Mjerisht, numri tronditës i 100 mjekëve që kanë vdekur nga koronavirusi përfshin disa nga punonjësit e pensionuar, të cilët po ndihmonin kolegët e tyre për të shpëtuar jetën e mijëra pacientëve.
Për më tepër, mediat italiane raportojnë se afro 30 infermierë dhe ndihmës infermierë gjithashtu kanë ndërruar jetë për shkak të komplikimeve nga koronavirusi.
Më së shumti theksohet mungesa e pajisjeve mbrojtëse personale si një nga arsyet kryesore pse kaq shumë mjek janë infektuar dhe kanë vdekur nga Covid-19.
Sipas statistikave, 10 përqind e atyre të infektuar me koronavirus në Itali janë njerëz që punojnë në industrinë e kujdesit shëndetësisë. /GazetaShneta/