Shpesh herë mund t’u ketë ndodhur edhe juve që fëmijët tuaj të bëjnë naze në ushqim apo të refuzojnë të hanë gjërat që ju u ofroni. Para se të krijoni ndonjë ide tuajën përse fëmija nuk po ha ato që ju doni, duhet të kuptoni arsyet pse, shkruan Independent transmeton Gazeta Shneta.
Arsy pse disa fëmijë janë nazeli në ushqim mund të jetë fajtore gjenetika, ka treguar studimi i fundit. Hulumtuesit nga Universiteti i Illinoisit në SHBA, kanë kryer një studim për të ekzaminuar nëse gjenetika mund të ndikojë në tendencën e një fëmije të bëjë naze në ushqim.
Duke vlerësuar atributet fizike të 153 parafillorëve dhe duke i krahasuar ata me përgjigjet e dhëna në intervistën e zhvilluar me prindërit e tyre rreth kësaj qështje, ata ishin në gjendje të vlerësonin nëse një lidhje në mes të natyrës dhe të ushqyerit mund të ekzistojë.
”Të qenurit nazeli në ushqim është më i shfaqur tek parashkollarët dhe është i lidhur ngushtë me rrezikun për nënpeshë ose mbipeshë” treguan studiuesit. ”Gjenet që lidhen me përceptimin e kemosensorëve mund të luajnë rol në sjelljen prej nazelie të një fëmije”.
Përderisa mund të i’a atribuojmë disa shprehi të nazelive gjenetikës, ekzistojnë edhe arsye të tjera që fëmija juaj të jetë i vështirë rreth ushqimit. Dr.Sarah Schenker, dietologe dhe nutriciste e specializuar në gatimin për fëmijë, përshkruan se si disa fëmijë bëjnë kërdi në ushqim në mënyrë që të tregojnë veten.
”Zakonisht mendohet se fëmijët bëhen nazeli me ushqimin si mënyrë për të marrë mbrapa pak kontrollë dhe për të ushtruar dëshirën e tyre kundrejt prindërve që kontrollojnë çdo gjë” tregoj Schenker.
Për fëmijët që marrin pako me ushqim në shkollë, blerja e një pako interesante ose kreative, është një mënyrë tjetër që t’ua bëni më tërheqës punën dhe kohën e ushqimit.
Përderisa gjenetika mund t’a bëjë një fëmijë të ndihet i prirur të provojë ushqime të reja, ekzistojnë truqe të ndryshme që të rriturit mund t’i përdorin për të përmirësuar mënyrën si hanë fëmijët e tyre dhe për të inkurajuar një dietë më të balansuar.