Rreth 85% e grave shtatzëna ndihen të lodhura gjatë trimestrit të parë, dhe të vjellat e mëngjesit mund të jenë të ashpra për trupin tuaj. Por një studim i ri i publikuar së fundmi në “Journal of Reproductive Toxicology” tregon që vuajtja juaj ja ka vlejtur pasi bebi përfiton nga to.
Studiuesit monitoruan të dhënat e marra nga 850000 gra shtatzëna. Pas studimit të këtyre të dhënave ata dolën në konkluzionin se gratë që kanë marrje mendsh dhe të vjella, kanë më pak komplikacione gjatë shtatzanisë si dhe lindin një bebe më të shëndetshëm. Nga këto gra vetëm 6.4% kishin lindur prematurë, pra shumë më pak krahasuar me 9.5% të grave që nuk kanë pasur të vjella dhe marrje mendsh gjatë shtatzanisë, transmeton portali Per Nenat.
Marrjet e mendve dhe të vjellat e mëngjesit shkaktohen nga rritja e shpejt e nivelit të hormonit gonadotropin, i cili çlirohet nga plaçenta gjatë trimestrit të parë. Por edhe nëse jeni shtatzënë dhe nuk i keni këto simptoma, mos u shqetësoni, në fakt është më mirë për ju për të shijuar përditshmërinë tuaj. Të vjellat e mëngjesit dhe marrja e mendve mund të ulin kualitetin e jetës së gruas që i përjeton ato. Gjithsesi studimi u kujton grave që po i vuajnë këto simptoma që vuajtja e tyre do të vlejë në fund.
Për të zbutur efektin e këtyre simptomave mundohuni të:
· Hani disa vakte të vegjël gjatë ditës;
· Pini shumë ujë;
· Përtypni karamele me mente;
· Konsumoni biskota të kripura nëse ju merr shpesh uria;
· Bëni më shumë pushim.