Kur foshnjat arrijnë moshën 6-muajshe, atëherë nënkuptohet se prindërit janë të lirë që t’i ushqejnë ata me ushqime solide.
Për një fëmijë në moshë të tillë rekomandohet një dietë e shëndetshme, e cila ideale do të ishte duke mos mbajtur ushqime me nivel të lartë kripe ose sheqeri.
Nëse fëmija juaj konsumon ushqime me nivele të larta të këtyre dyjave, më vonë ai do ta ketë të vështirë të konsumojë ushqime të shëndetshme.
Pra cilat ushqime dhe pije duhet të kufizoni kur fëmija juaj rritet? Më poshtë gjendet lista jonë e ushqimeve të cilat duhet shmangur nga ata.
Ushqimi i gatshëm
Ushqimet e gatshme për fëmijët zakonisht kanë një përmbajtje të lartë të kripës dhe të sheqerit. Kjo i bën ato të papërshtatshme për foshnjat.
Ëmbëlsirat dhe çokollatat
Mund të jetë e vështirë për t’i mbajtur të vegjlit tuaj larg nga ëmbëlsirat dhe çokollatat. Por përmbajtja e lartë e sheqerit tek ëmbëlsirat dhe çokollatatat është mirë të shmanget. Sheqeri stimulon smaltin në gojën e fëmijës suaj.
Pijet e gazuara
Fëmija juaj nuk duhet të konsumojë pije të gazuara. Këto pije kanë nivel të lartë aciditeti dhe mund të dëmtojnë dhëmbët gjatë zhvillimit të fëmijës suaj.
Lëng frutash
Lëngu i frutave mund të tingëllojë si një opsion i shëndetshëm. Por është mirë që fëmija juaj mos të konsumojë që në këtë moshë lëngun e frutave. Arsyeja është se janë të pasura me sheqerna natyrore dhe acide që dëmtojnë dhëmbët e foshnjës.
Uji dhe qumështi i gjirit janë pijet më të mira për fëmijën tuaj derisa ai të jetë një vjeç. Pas kësaj, ai mund të konsumojë qumështin e lopës me yndyrë të plotë si pije kryesore./Pernenat.al/