Në Finlandë të gjithë fëmijët flenë në kuti kartoni në muajt e parë të jetës. Çdo nënë e re merr një kuti kartoni nga qeveria në të cilën ajo mund të vendosë për të fjetur fëmijën. Mund të duket çmenduri, por jo, kjo është një çështje shumë serioze, dhe këtë e bëjnë për t’i mbrojtur ata.
Kjo është një traditë që ka vazhduar për 75 vjet dhe vetë qeveria ua dërgon kutitë nënave të reja.
Brenda kutisë gjendet një çantë me aksesorët fillestar, shumë e dobishme për prindërit:
Një kapelë, doreza dhe çizme të papërshkueshme nga uji, një kostum me kapuç, çorape, doreza, bluza, peshqir, gërshërë, furçë dhëmbësh, termometër, hidratues dhe doreza me sfungjer, pelena, libër me ilustrime dhe lodra për dhëmbët, dyshek dhe çarçafë me përmasat e kutisë.
Edhe në Shtetet e Bashkuara, ky zakon po përhapet masivisht: Michelle Vick është bashkë-themeluese e kompanisë që ka filluar prodhimin e këtyre kutive.
Pediatrët amerikanë mbështesin përdorimin e kutive: për çështje të sigurisë së fëmijëve është shumë më mirë të lejohet të flenë vetëm me gjërat esenciale, pra, me një dyshek dhe një batanije. Në këtë mënyrë shmangen vdekjet e tmerrshme në djep.
Që kur u fut kjo metodë, në Finlandë niveli i vdekshmërisë foshnjore ka rënë dhe sot është ndër më të ultët në botë.
Fëmija mund të flejë në kuti deri në 8 muaj. Pastaj mund të transferohet në një shtrat të rregullt.
Pothuajse të gjitha nënat zgjedhin kutinë në vend të një shume ekuivalente parash, të cilën qeveria e vë në dispozicion./Gazeta Metro/