Mamia Razije Musa përmes një postimi në Facebook, ka shkëmbyer përvojën e saj me të tjerët në lidhje me depresionin e një gruaje, e që burimin e kishte nga mërzia se kishte lindur tri vajza, e asnjë djalë.
Mamia në postimin e saj këshillon që nënat të mos dëshpërohen për gjëra koti, e aq më pak për gjininë e fëmijës, shkruan Gazeta Shneta.
“Populli im, kthjelluni mos harxhoni kohë duke u depresionuar për gjëra koti, jeni të bindur se kush ka vajza botën ka”, shkruan mamia Musa në postimin e saj.
Gjithashtu, ajo nga përspektiva e nënës thotë se fëmijën duhet ta duani, pavarësisht pamjes fizike, gjinisë apo edhe ngjyrës së lëkurës.
“Po du me ju drejtu si nanë, evladi është evlad, i bukur, i shëmtuar, vajzë, djalë, i bardhë, i zi e çfaredo qoftë. Jepni dashni njësoj. Ju dua shumë juve dhe bebushë tuaj vajza e djem ❤️?”, përfundon Musa./Gazeta Shneta/