Momenti i mrekullueshëm kur një pacienti britanik i transplantohet zemra e marrë nga një donatorë dhe në gjendje ende “të ngrohtë dhe duke rrahur”, është kapur për herë të parë nga kamerat.
Procedura e transplantimit të një zemre është dokumentuar nga kamerat e BBC-së në kuadër të një dokumentari të titulluar “Një shans për të jetuar”, i cili shënon 50 vjetorin e transplantimit të parë të zemrës në Britaninë e Madhe, shkruan DailyMail, transmeton Gazeta Shneta.
Në pamjet e jashtëzakonshme, zemrat e donatorëve mund të shihen në kuti duke rrahur ende. Pajisjet e teknologjisë së fundit mundëson që zemra të mbahet në gjendje të afërt me atë në trupin e njeriut, me gjakun e dhuruesit që pompon përmes saj. Më parë një zemër, para se të transportohej duhej të ndalonte dhe të futej në një kuti të ftohtë.
Megjithatë, një organ sa më gjatë që mbetet jashtë trupit dhe pa gjak e oksigjen, aq më pak do të ketë sukses transplantimi. Tani në saje të kutisë që quhet “TransMedics Organ Care System”, kirurgët mund t’i mbajnë zemrat e donatorëve të ngrohta dhe duke rrahur për më shumë se gjashtë orë jashtë trupit. Kjo do të thotë që një zemër mund të transportohet në gjithë Britaninë, apo edhe jashtë vendit për të arritur deri tek pacienti.
Numri i pacientëve britanik që janë në pritje të operacionit për transplantimin e zemrës, është rritur me 24 për qind gjatë vitit të kaluar. Ekspertët thonë se duke marr parasyshë përshtatjen e gjakut dhe parametrave tjerë, rreth 80 për qind e zemrave mund të mos jenë të përshtatshme për shkak se janë të sëmura nga sëmundje të ndryshme.
Në dokumentar shfaqet një pacient, J. Th. 47 vjeçar zemra e të cilit funksionon vetëm 20 për qind. Ai ka qenë në pritje për transplant për 297 ditë, derisa lajmërohet një donatorë nga Irlanda e Veriut. Transporti në akull nuk do ta kishte mbijetuar udhëtimin, ndërsa një organizatë bamirëse pagoi 40 mijë funte për ta sjellë atë me kutinë e re të transportit.
Më poshtë mund ta ndiqni dokumentarin e plotë të BBC-së. /Gazeta Shneta/
https://www.youtube.com/watch?v=kVC5k2YE-5g