Gjatë shtatzënisë, gratë mund të hasin disa sëmundje infektive potencialisht të rrezikshme për shëndetin e nënës dhe fëmijës.
Pasojat e sëmundjeve varen nga rasti në rast dhe gjithashtu lidhen me periudhën e shtatzënisë.
Më shumë të rrezikshme janë ato të javëve të para për shkak se është edhe zhvillimi i organeve të para të fetusit.
Sëmundjet kryesore infektive në shtatzëni:
Toksoplasmoza:
Toksoplasmoza shkaktohet nga protozoan i quajtur Toxoplasma Gondii. Ky mikroorganizëm ndodhet tek macet. Kjo sëmundje është asimptomatike dhe nëse ndodh gjatë shtatëzanisë, mund të shkaktojë pasoja serioze tek fetusi.
Diagnostifikohet përmes analizave laboratorike që bëhen në fillim të shtatzanisë. Për ta parandaluar duhet të shmangni mishin e papërpunuar dhe gjithashtu duhet të lani mirë frutat dhe perimet.
Varicella në shtatzëni
Varicella është një patologji e cila rrallë ndodh gjatë shtatzënisë. Nëse ndodh të prekeni në tremujorin e parë është rreziku i keqformimeve të fetusit dhe abort. Kur nëna është e infektuar me këtë lloj patologjie mund ti nënshtrohet një trajtimi të bazuar në imunoglobulina (antitrupa) të dobishëm kundër virusit.
Fruthi gjatë shtatzënisë
Fruthi është një sëmundje virale që ndodh rrallë tek të rriturit. Kur një grua shtatzënë sëmuret me fruth gjatë muajve të parë të shtatzënisë, ajo rrezikon abortin.
Shytat në shtatzëni
Shytat shkaktohen nga një virus shumë i rrallë në një moshë të madhe. Nëse prekeni në tremujorin e parë, kjo patologji mund të çojë në abort.
Rubeola në shtatzëni
Rubeola është një sëmundje virale që nuk përfshin dëme të veçanta, por nëse prekeni gjatë tremujorit të parë të shtatzënisë mund të shkaktojë keqformime fetale./pernenat.al/