Ndonjëherë policët shpëtojnë viktima të dhunës, ndonjëherë konfiskojnë vetura të vjedhura. Por heroizmi i tyre mund të jetë edhe një gjidhënie.
Në një postim të bërë vitin e kaluar, shihet një oficere duke ushqyer një foshnje në korridorin e një spitali, përcjellë GazetaShneta.
Zjarrfikësja Celsete Ayala kishte qenë atë ditë në detyrë në rolin e oficeres së policisë duke mbajtur rendin në një spital në Argjentinë, kur kishtë vënë re foshnjen që po qante në duart e një nëne që nuk po mund ta qetësonte.
Sipas një postimi të bërë në Facebook shpjegohet se Ayla, nënë e 2 fëmijëve, kishte vërejtur se nëna e foshnjës nuk kishte gji të mjaftueshëm andaj kishte shprehur vullnetin që ta ushqente vetë.
“Dua ta publikoj këtë akt të dashurisë mes këtij bebi të vogël dhe oficeres. Ajo nuk hezitoi asnjë hçast që të vepronte sikur të ishte e ëma e tij”, shkruan në këtë postim.
E për këtë akt heroik ajo është nderuar nga Ministri i Sigurisë së Buenos Aires edhe nga departamenti i policisë.
Nganjëherë zjarrëfikësit nxjerrin njerëzit nga shtëpia që po digjet. Por nganjëhere ato ushqejnë foshnjet.
E një rast i ngjashëm kishte ndodhur para disa muajsh edhe në një aeroplan, kur një stuardezë kishte ushqyer foshnjen e një pasagjereje.
Patrisha Organo ka treguar se si nëna e pashpresë kishte orë të tëra që po priste për aeroplanin e vonuar.
“Pasi kishte hipur në aeroplan unë e kam vërjetur se ishte e dërrmuar. Më kërkoi nëse kishim qumësht formulë në bord por i vetmi qumësht që mund ta siguroja ishte ai brenda gjirit tim”, ka thënë Organo.
Ajo ishte mënjanuar në kabinën e saj dhe kishte ushqyer foshnjën që mezi priste qumështin.
Këto janë disa gjeste të nënave që ndihojnë nënat; duhet pasur shembull./GazetaShneta/