Cilat janë këto ndryshime të cilat mund të konsiderohen normale gjatë 9 muajve të shtatzanisë?
– Zona vaginale mund të ndryshojë ngjyrë. Ajo mund të kthehet në ngjyrën blu-lejla. Kjo shkaktohet nga rritja e fluksit të gjakut në atë zonë.
– Mund të vërehen gjurmë gjaku. Normalisht gjatë shtatzanisë menstruacinet mungojnë por gjatë trimestrit të parë është normale të ketë në disa raste edhe rrjedhje gjaku. Nëse nuk shoqërohen me dhimbje apo krampe nuk duhet të shqetësoheni.
– Shfaqen variçet. Pra këmbët nuk janë e vetmja pjesë e trupit që mund të shfaqen varicet. Rritja e fluksit të gjakut, hapja e uterusit dhe rritja e hormoneve mund të shkaktojë edhe varicet në zonën intime, mundësia e shfaqjes do të jetë më e lartë me rritjen e numrit të shtatzanive tek gruaja.
– Do të ndiheni fryrje. Disa gra përjetojnë një ndjesi fryrje në zonën vaginale e cila mund të ndikojë pozitivisht në jetën seksuale.
– Ajri në zonën e vaginës. Nëse keni gazra në zonën intime nuk duhet të shqetësoheni apo ndiheni keq. Ky fenomen ndodh për shkak të rritjes së barkut, pozicioneve të ndryshme gjatë marrëdhënieve seksuale, ushtrimit fizik, punës më të madhe të muskujve të zonës pelvike etj.
– Aroma të çuditshme. Gjatë shtatzanisë pH i zonës intime ndryshon dhe kjo mund të shkaktojë një aromë të ndryshme nga ajo që keni zakonisht e cila do të jetë disi më acide ( e thartë). Nuk ka asgjë për t’u shqetësuar.