Kur foshnjat pinë qumështin e gjirit, nënave nuk u shkon në mend që të rishikojnë edhe aq ngjyrën e qumështit të tyre. Por në momentin kur e pumpojnë në shishe plastike, atëherë mund të vërejnë ndryshime në të.
Për disa nëna mund të jetë shqetësusese masa e qumështit të pumpuar, kurse për disa tjera mund të jetë kritike edhe ngjyra e qumështit, transmeton GazetaShneta.
Kjo e fundit ka qenë çështje problematike për një nënë që ka postuar një foto në internet të dy shisheve me qumësht, ku njëra kishte ngjyrë kremi dhe tjetra kishte nuancë të kaltër, përcjellë “Mother.ly”.
Ajo ka shpjeguar se ky fenomen ka ndodhur për shkak se foshnja e saj ishte vaksinuar dhe përmes pështymës i kishte përcjellur nënës në organizmin e nënës. Trupi i nënës më pas ka krijaur anti-trupat si kundër-efekt i vaksinës.
Por kjo teori ende nuk është vërtetuar nga shkenca. Sipas studimeve të shumta është gjetur se kjo mund të jetë një arsye, por jo gjithnjë.
Edhe pse ende nuk ka vërtetim konkret shkencor, mendohet se ngjyra e qumështit të gjirit ndërron për shkak të kohës kur qumështi është pumpuar.
Një arsye tjetër e këtyre ndryshimeve është edhe hollësia e lëngut. Nëse qumështi është më i hollë ai duket të ketë një ngjyrë më të zbehtë.
Por sidoqoftë, edhe nëse qumështi juaj ka ngjyrë të ndryshme, ju duhet të ndjeheni krenare që ushqeni fëmijët tuaj me qumësht (qoftë me gji, me formulë apo të dyja). /GazetaShneta/
