Korporatat e mëdha të prodhimit të duhanit po përdorin gjithnjë e më shumë mediat sociale për të gjetur mënyra të reja për t’i lidhur të rinjtë me pirjen e duhanit, duke anashkaluar dekadat e ligjeve që kufizojnë tregtimin e cigareve tradicionale tek të miturit.
Në qytetet e mëdha të botës si Rio de Janeiro, Kajro, Xhakarta dhe Milano, kompanitë e duhanit po organizojnë ahengje ekstravagante që janë kryekëput të projektuara për t’u lidhur me të rinjtë, transmeton Gazeta Shneta.
Shpesh duke shfaqur alkoolin, muzikën e gjallë dhe mikëpritëset atraktive, këto ngjarje luksoze nuk kursejnë asnjë shpenzim pasi kërkojnë të gjejnë blerës të rinj për produktet e tyre të duhanit.
Problemi? Ata ata që shkojnë në këto parti janë medoemos të rinj me mijëra ndjekës në Instagram të cilët paguhen të publikojnë foto duke pirë duhan ose duke inkuadruar disi brendin e cigareve në postimet e tyre, shkruan “The Conversation”.
Pastaj ndjekësit e këtyre figurave të përcjellura nëpër rrjete sociale manipulohen që të veprojnë njëlloj, duke u bërë të varur nga duhani edhe pa e ditur fare.
Kompanitë e duhanit gjithmonë kanë pasur aftësi për të gjetur mënyra krijuese për të përçuar mesazhin e tyre përmes marketingut tek të rinjtë.
Në vitin 1971, Kongresi i SHBA-ve ndaloi reklamat e duhanit nga televizioni dhe radio. Si reagim, kompanitë investuan shumë në reklamat dhe revistat në ambiente të jashtme. Në vitin 1997, përsëri u krijua një ligj që ndalonte duhanin në reklamat me stenda dhe afishe të mëdha jashtë. Si përgjigje, kompanitë e duhanit futën hundët në sponsorizimin e sportit, muzikës dhe ngjarjeve të tjera. Këso lloj sponsorizimi të ngjarjeve u ndaluan, me disa përjashtime, në vitin 2010, në të njëjtën kohë edhe kufizime më të gjera për marketingun e duhanit tek të rinjtë.
Por pa marrë parasysh mediumin, mesazhet shpesh ishin të njëjta: të gjejnë mënyra për të arritur duhanpirës të rinj dhe potencialë për të nisur duhanin.
Edhe pse mund të jetë e vështirë për qeveritë që të krijojnë rregullore të përditësuara sa I përket ndalimit të duhanit, ata duhet ta ndërmarrin dicka serioze që të parandalojnë normat globale të pirjes së duhanit dhe problemet e tyre shëndetësore.
Rrjetet sociale ofrojnë një avantazh të pabesueshëm në komunikimet që demokratizojnë komunikimet në mënyra të papara.
Megjithatë, kjo hapërsi është e lehtë për t’u shfrytëzuar nga agjentë me motive të dyshimta./GazetaShneta/