Operacioni që ka zgjatur më shumë se 3 orë ka rezultuar me heqjen e 7750 gurëve nga tëmthi i një gruaje në Kinë.
Sipas mjekëve këta gurë janë shkaktuar nga shprehitë e këqija të pacientes e cila është shprehur pastaj se nuk pëlqente të pinte ujë dhe gjithmonë anashkalonte ngrënien e shujtës së mëngjesit, transmeton GazetaShneta.
Sipas pamjeve shihet se disa gurë kanë madhësi sa një vezë kurse shumica janë në madhësi të fasules.
Gruaja e njohur si Ms He ka thënë se para shtatë viteve i ishte dashur ndërhyrje për heqjen e gurëve mirëpo për shkak të shtypjes së lartë të gjakut nuk kishte mundur të operohej, raporton “Daily Mail”.
Kurse së fundmi ajo ishte paraqitur në klinikë pasi kishte përjetuar dhimbje të tmerrshme në abdomen.
Ms He ka thënë se ishte shokuar kur ka kuptuar numrin e gurëve që gjendeshin në organizmin e saj.
Mjekët kanë thënë se një gjendje e tillë shpesh krijohet nga mënyra e të ushqyerit dhe mungesa e ujit të mjaftueshëm në organizëm, edhe pse shkaqet për krijimin e gurëve ende nuk dihen aq saktë.
Ata kanë thënë se nëse gruaja nuk do të paraqitej në spital do të rrezikonte që gurët t’I kalonin në kanalet e tëmthit që më pas do fitonte verdhëzëën ose pancreatitis acute.
Përndryshe, rekordi për numrin më të madh të gurëve në tëmth e ka shënuar një grua indiane të cilës i ishin hequr 11.950 gurë ./GazetaShneta/