Drejtori i Institutit Kombëtar të Shëndetit Publik Prof. Naser Ramadani po konsideron se atyre që iu duken të padrejta masat kundër koronavirusit, nuk shohin përtej hundës.
Në një shkrim të publikuar në profilin e tij, Ramadani e ka krahasuar kufizimin e lëvizjës së lirë të qytetarëve me semaforin e kuq. Ai thotë se edhe semafori i kuq është antikushtetues, por është bërë për të mirën e qytetarëve.
“Të gjitha masat që merren duken të padrejta për çdonjërin që nuk mendon e nuk sheh përtej hundës! Masat e kanë një qëllim: shpëtimin e jetëve!”, ka shkruar Ramadani.
Shkrimi i tij i plotë:
Semafori i kuq!
A e keni menduar ndonjëherë se drita e kuqe në semafor është antikushtetuese?
Po. Por qëllimi i vërtetë është prioriteti reciprok i qarkullimit të njerëzve dhe veturave!
Nuk mund të bëhet lëvizje e lirë në të njejtën kohë edhe e këmbësorit edhe e veturave!
Pasojën e dini të gjithë!
Kjo ndalesë mund të konsiderohet antikushtetuese!
Kush ka të drejtë të më ndalë lirinë time të lëvizjes në rrugë, në semafor, në lauren e trenit, kudo?
Po pse bëhet kjo?
Sepse ekziston një e drejtë universale më e madhe dhe më me vlerë se ndalesa e përkohshme e lëvizjes!
E drejta për jetë!
Të gjitha masat që merren duken të padrejta për çdonjërin që nuk mendon e nuk sheh përtej hundës!
Masat e kanë një qëllim: shpëtimin e jetëve!
Kjo është shëndetësia publike!
Virusi nuk ka këmbë, andaj mos ia jepni këmbët e juaja sepse do të rrezikoni të gjithë e më së shumti të afërmit tuaj!
Epidemiologia, scientia magnifica!
Deus salvare nos inscius! Pro bono fure capere!