Simptoma të caktuara, nga problemet me frymëmarrjen deri tek humbja e shijes dhe nuhatjes, janë bërë shenja të njohura të Covid-19 që nga fillimi i pandemisë.
Sidoqoftë, ndërsa ekspertët mësojnë më shumë se si vepron virusi, ata e kanë kuptuar që simptomat e Covid-19 shtrihen përtej manifestimeve fizike më të shpeshta të sëmundjes shkruan Best Life përcjell Gazeta Shneta.
Në shumë raste, pacientët me Covid përjetojnë edhe dëmtime të njohura dhe të qëndrueshme kognitive, të lidhura me virusin.
Sipas një rishikimi të marsit 2021 të hulumtimit të botuar në revistën ‘Frontiers in Psychology’, studiuesit në Universitetin Oxford Brookes me bazë në Mbretërinë e Bashkuar, zbuluan se ekziston një simptomë që prek shumicën dërrmuese të pacientëve me Covid dhe ajo është: çrregullimi i stresit post-traumatik (PTSD).
Duke cituar një studim të botuar në vëllimin e mjekësisë psikologjike në mars 2020, autorët e artikullit vunë në dukje se deri në 96 përqind e subjekteve të përfshirë në studim të cilët ishin me një diagnozë Covidi përjetuan çrregullimin e stresit post-traumatik.
“Kuptimi i pasojave neuropsikiatrike dhe kognitive (njohëse) të Covid-19 është i rëndësishëm pasi miliona njerëz janë prekur nga virusi dhe shumë raste nuk zbulohen.
Këto kushte ndikojnë në aftësinë e njerëzve për të punuar në mënyrë efektive, për të drejtuar automjetet, për të menaxhuar financat, për të marrë vendime të informuara dhe për të marrë pjesë në aktivitetet e përditshme familjare”, shpjegoi hulutmuesi Sanjay Kumar, nga Universiteti i Oxford Brookes dhe autor kryesor i studimit, në një deklaratë. /Gazeta Shneta/