Kryesuesja e Bordit të SHSKUK-së dhe drejtori i përgjithshëm kanë vizituar sot dy spitalet e përgjithme në Vushtrri dhe Mitrovicë.
Dr. Agreta Gecaj-Gashi dhe Dr. Valbon Krasniqi, janë zotuar se do të ndajnë mjete financiare në mënyrë të barabartë për përkrahjen e spitaleve të përgjithshme, transmeton Gazeta Shneta.
“Kryesuesja Gecaj- Gashi dhe drejtori Krasniqi, i siguruan se, pa dallim, në mënyrë të barabartë, do të ndahen mjete financiare për të gjitha spitalet e përgjithshme, me qëllim të përmirësimit të infrastrukturës dhe përmbushjës së nevojave tjera imediate”, thuhet në njoftimin e SHSKUK-së.
Njoftimi i plotë:
Kryesuesja e Bordit të Shërbimit Spitalor Klinik Universitar të Kosovës, Agreta Gecaj- Gashi, anëtarët e bordit dhe drejtori i SHSKUK-së, Valbon Krasniqi, vizituan Spitalin e Përgjithshëm të Mitrovicës dhe të Vushtrrisë, për të parë nga afër punën dhe për të dëgjuar shqetësimet e punëtorëve shëndetësorë, derisa i falënderuan ata për angazhimin dhe menaxhimin me sukses të Pandemisë COVID-19.
I inkurajuan të vazhdojnë të punojnë me përkushtim dhe përgjegjësi, iu premtuan kushte më të mira pune, kurse drejtuesve të spitaleve, iu garantuan mbështetje të pa rezervë në implementimin e projekteve për modernizimin e hapësirave spitalore.
Kryesuesja Gecaj- Gashi dhe drejtori Krasniqi, i siguruan se, pa dallim, në mënyrë të barabartë, do të ndahen mjete financiare për të gjitha spitalet e përgjithshme, me qëllim të përmirësimit të infrastrukturës dhe përmbushjës së nevojave tjera imediate.
Ndërkaq, u njoftuan se në Spitalin e Vushtrrisë ka përfunduar zgjerimi i rrjetit të oksigjenit, në të cilin do të mund të lidhen të gjithë shtreterit, ndërsa në atë të Mitrovicës do të fillojë së shpejti.
Të dy spitalet, muaj më parë, janë pajisur me rezervuar të oksigjenit, të cilët kanë kapacitet të mjaftueshëm për të ofruar furnizim të qëndrueshëm me oksigjen.
Drejtuesit e SHSKUK-së vizituan edhe Qendrën e Shëndetit Mendor në Mitrovicë.