Qeveria e Kosovës sot ka vendosur që t’i kategorizojë si zyrtarë publik mjekët dhe profesorët e universiteteve publike.
Rrjedhimisht me këtë vendim, mjekët e licencuar në Kosovë si dhe profesorët do të detyrohen të bëjnë deklarimin e pasurisë së tyre, shkruan Gazeta Shneta.
“Me këtë projektligj përmbyllet pako anti korrupsion. Ky projektligj mundëson deklarimin e pasurisë online. Të dhënat do të jenë lehtësisht të regjistrueshme edhe në institucionet e tjera. Është bërë kategorizim i ri i zyrtarëve për deklarim të pasurisë. Në kategorinë e zyrtarëve publik janë shtuar mjekët e licencuar dhe profesorët e universiteteve publike”, ka deklaruarzëvendësministri i Drejtësisë, Blerim Sallahu. /Gazeta Shneta/