Studiuesit izraelitë kanë zbuluar se marrja e tre dozave të vaksinës Pfizer ofron mbrojtje të konsiderueshme kundër variantit të ri Omicron.
Rezultatet ishin të ngjashme me ato të paraqitura nga BioNTech dhe Pfizer në fillim të javës shkruan Reuters.
Këto të dhëna ishin një sinjal i hershëm se dozat përforcuese mund të ishin çelësi për të mbrojtur kundër infeksionit nga varianti i sapo identifikuar, transmeton Gazeta Shneta.
Ky studim krahasoi gjakun e 20 personave që ishin të vaksinuar vetëm me dy doza të vaksinës dhe të 20 persona të tjerë që kishin marrë edhe dozën e tretë.
“Personat me dy doza të marra 5 apo 6 muaj më parë nuk kanë asnjë aftësi neutralizimi kundër Omicron”, tha Gili Regev-Youchay.
“Lajmi i mirë është se me dozën përforcuese rritet rreth njëqindfish. Ka një mbrojtje të konsiderueshme të dozës përforcuese. Është më e ulët se aftësia neutralizuese kundër Delta, rreth katër herë më e ulët,” tha ajo./Gazeta Shneta/