Qeveria gjermane, po punon në plane për të lehtësuar kufizimet e koronavirusit – pasi të ketë kaluar kulmi i rasteve të reja, me gjasë deri në fund të shkurtit.
Ndryshe nga disa fqinjët evropianë, Gjermania ka ende shumë kufizime pandemike që përjashtojnë njerëzit e pavaksinuar nga restorantet, vendet publike dhe disa dyqane, shkruan MedicalxPress përcjell Gazeta Shneta.
“Perspektivat për hapjen janë duke u zhvilluar,” u tha gazetarëve të hënën në Berlin, zëdhënësja e qeverisë Christiane Hoffmann. Ajo tha se masat do të diskutohen në një takim të zyrtarëve federalë dhe shtetërorë më 16 shkurt, por do të hyjnë në fuqi vetëm kur autoritetet të jenë të sigurta se sistemi shëndetësor i Gjermanisë nuk do të mbingarkohet.
“Sipas ekspertëve, kjo mund të jetë nga mesi deri në fund të shkurtit,” tha ajo.
Gjermania ka parë një rritje të mprehtë në rastet e konfirmuara rishtazi në javët e fundit për shkak të variantit Omicron.
Farmacistët në vend, janë planifikuar poashtu të fillojnë të ofrojnë vaksinime të martën, pasi parlamenti ndryshoi rregullat në mënyrë që ata, dentistët dhe veterinerët të mund të administronin gjithashtu vaksinat.
Rreth 74,4% e popullsisë gjermane është plotësisht e vaksinuar kundër COVID-19, ndërsa 54,3% kanë marrë gjithashtu një vaksinë përforcuese. Ekspertët thonë se nevojiten norma më të larta vaksinimi për të mbrojtur grupet e moshuara dhe të ndjeshme. /Gazeta Shneta/