Fëmijët e grave me diabet gestacional dhe obezitet mund të kenë dy herë më shumë gjasa të zhvillojnë çrregullim të deficitit të vëmendjes/hiperaktivitetit (ADHD), krahasuar me ato nënat e të cilave nuk kishin obezitet, sipas një studimi të ri të botuar në Journal of Clinical Endocrinology & Metabolism.
Numri i vlerësuar i fëmijëve të moshës 3-17 vjeç të diagnostikuar ndonjëherë me ADHD është 6 milionë, sipas të dhënave nga viti 2016 deri në 2019.
Një faktor rreziku kryesor për ADHD tek fëmijët është obeziteti i nënës, shkruan MedicalxPress përcjell Gazeta Shneta.
Shtimi i tepërt i peshës gjatë shtatzënisë në këtë popullatë është një faktor rreziku për fëmijët që zhvillojnë ADHD.
“Studimi ynë zbuloi se gratë shtatzëna me obezitet dhe diabet gestacional kishin fëmijë me çrregullime afatgjata të shëndetit mendor si ADHD,” tha Dr. Verónica Perea, nga Spitali Universitar Mutua Terrassa në Barcelonë, Spanjë.
“Ne nuk e gjetëm këtë lidhje kur këto gra fituan një peshë të shëndetshme gjatë shtatzënisë.”
Mes tjerash, u studiuan 1,036 fëmijë të lindur nga gra me diabet gestacional. Trembëdhjetë përqind e këtyre fëmijëve u diagnostikuan me ADHD.
Studiuesit zbuluan se fëmijët e grave me diabet gestacional dhe obezitet kishin dy herë më shumë gjasa të kishin ADHD krahasuar me ata të lindur nga nëna pa obezitet.
“Është e rëndësishme që klinicistët të këshillojnë pacientet e tyre për rëndësinë e peshës së shëndetshme gjatë shtatzënisë”, tha Dr. Perea. /Gazeta Shneta/