183 ndërhyrje kirurgjike të heqjes së gjirit apo mastectomi radikale janë kryer në Klinikën e Kirurgjisë Torakale në Qendrën Klinike Universitare të Kosovës për nëntë muaj.
Sipas të dhënave të Shërbimit Spitalor Klinik Universitar të Kosovës gjatë kësaj periudhe janë kryer katër raste të quadrantectomi apo heqje e pjesshme e gjirit tek gratë “ndërsa në sallën e vogël me anestezion lokal, 132 raste”.
“Për 9 muaj, në këtë klinikë janë kryer, po ashtu, 220 ndërhyrje të vogla kirurgjike- incizione. Sipas raportit të punës, gjatë kësaj kohe janë bërë edhe 94 biopsi, 196 eho dhe 1 mijë e 190 punksione”, thuhet po ashtu në njoftim.
Në ambulancën specialistike, thuhet se janë kryer 1190 punskione të gjirit dhe shërbime të tjera shëndetësore. /Gazeta Shneta/