Ka lindur foshnja e parë në Mbretërinë e Bashkuar duke përdorur ADN-në e tre personave.
Mjekët kryen një procedurë revolucionare të fekondimit in vitro (IVF) që synonte të parandalonte fëmijët të trashëgojnë sëmundje të pashërueshme. Teknika, e njohur si dhurimi mitokondrial (MDT), përdor indet nga vezët e dhuruesve femra të shëndetshme për të krijuar embrione që nuk kanë mutacione të dëmshme të bartura nga nënat e tyre dhe që ka të ngjarë t’u kalohen fëmijëve të tyre, shkruan TheGuardian, transmeton Gazeta Shneta.
Për shkak se embrioni mbart një kombinim të spermës dhe vezës së prindërve biologjikë me struktura të vogla të ngjashme me baterinë, të quajtura mitokondri, nga qeliza dhuruese, foshnja e porsalindur ka shumicën e ADN-së nga dy prindërit e saj dhe rreth 0.1 për qind nga një grua e tretë, donatore.
Hulumtimi për MDT-në, i cili njihet edhe si terapi zëvendësuese mitokondriale (MRT), filloi në Mbretërinë e Bashkuar nga mjekët në Qendrën e Fertilitetit të Newcastle. Puna synonte të ndihmonte gratë me mitokondri të mutuara të kenë fëmijë pa rrezikun e kalimit të çrregullimeve gjenetike. Njerëzit trashëgojnë të gjitha mitokondritë nga nënat e tyre, kështu që mutacionet e dëmshme në “bateritë” mund të prekin të gjithë fëmijët që një grua ka.
Sëmundjet mitokondriale janë të pashërueshme dhe mund të jenë fatale brenda ditëve apo edhe orëve pas lindjes. Disa familje kanë humbur shumë fëmijë dhe kjo teknikë shihet si e vetmja mundësi që ata të kenë një fëmijë të shëndoshë të tyren./Gazeta Shneta/