Gratë shtatzëna kanë një rrezik më të lartë për shumë sëmundje të zakonshme shëndetësore për shkak të ndryshimeve fizike të trupit gjatë shtatzënisë.
Infeksionet e traktit urinar (dhe zhvillimi në një infeksion më serioz të veshkave, i quajtur pielonefritis, është gjendja mjekësore më e zakonshme që shihet tek gratë shtatzëna. Pse ato kanë një rrezik më të lartë?
Shtatzënat janë në rrezik më të lartë për infeksione të traktit urinar, shkruan Health News përcjell Gazeta Shneta.
Një infeksion i traktit urinar është një infeksion bakterial i fshikëzës dhe strukturave të lidhura të trupit. Cistiti është një infeksion i traktit të poshtëm urinar që përfshin vetëm fshikëzën. Pielonefriti, ose një infeksion i veshkave, ndodh kur bakteret kalojnë në ureter nga fshikëza në veshka.
Shkalla e infeksionve të traktit urinar tek femrat është e lartë për shkak të afërsisë së anusit me hapjen e uretrës dhe një gjatësi të shkurtër të uretrës. Kjo afërsi e bën transferimin e baktereve, më së shpeshti Escherichia coli, nga rektumi në uretër një dukuri të zakonshme.
Infeksionet e traktit urinar janë një sëmundje e shpeshtë për gratë, por veçanërisht shtatzënat janë në një rrezik më të lartë për një infeksion të komplikuar për disa arsye:
Për të mësuar më shumë rreth komplikimeve të shtatzënisë KLIKO KËTU.
Ndryshimet e traktit urinar
Gjatë shtatzënisë, uretra, tubi nga fshikëza në pjesën e jashtme të trupit, relaksohet ose zgjerohet ndërsa mitra e rëndë nga foshnja shtyp ureterët, tubat nga veshkat në fshikëz.
Hormoni i shtatzënisë, progesteroni, shkakton relaksim të muskujve të lëmuar, duke zgjeruar ose hapur uretrën dhe ureterët. Ky zgjerim bën që urina të qëndrojë e palëvizur, duke u bërë një terren mbarështues për bakteret.
Gjendje e imunitetit të kompromentuar
Shtatzënia është një gjendje e natyrshme e imunosupresionit. Me trupin të preokupuar me zhvillimin e jetës, bakteret mund të jenë në gjendje të prekin dhe të shkaktojnë një infeksion.
Bakteriuria asimptomatike
Bakteriuria asimptomatike (ASB) është shkaku më i zakonshëm i infeksioneve të traktit urinar tek gratë shtatzëna.
Kjo gjendje është kur bakteret në urinë fillimisht nuk shkaktojnë ndonjë simptomë të infeksionit të traktit urinar, por, nëse nuk trajtohet, mund të shkaktojnë një infeksion të traktit urinar simptomatik.
Në 30% të rasteve, bakteriuria asimptomatike do të shkaktojë cistitis, një infeksion të fshikëzës dhe mund të çojë në pielonefritis, një infeksion të veshkave, deri në 50% te gratë shtatzëna.
Zakonisht, mostrat e urinës merren në çdo vizitë prenatale për të monitoruar praninë e bakteriurisë asimptomatike. Nëse zbulohet, kjo gjendje zakonisht trajtohet me antibiotikë.
Simptomat e infeksionit të traktit urinar gjatë shtatzënisë:
Shtatzënat me bakteriuria asimptomatike nuk kanë simptoma. Ndërsa ato me infeksione aktive do të paraqiten me simptoma tipike të infeksiont të traktit urinar, të cilat përfshijnë:
– Dhimbje ose djegie gjatë urinimit;
– Rritja e frekuencës së urinimit;
– Urgjenca për të urinuar;
Pielonefriti, një infeksion i veshkave, do të shkaktojë simptoma më të rënda, të cilat përfshijnë:
– Dhimbje në njërën ose të dyja anët e mesit deri në fund të shpinës;
– Ethe dhe të dridhura;
– Nauze dhe të vjella;
– Kontraksione të mundshme;
– Rrahje të shpejta të zemrës;
– Presioni i ulët i gjakut;
Pielonefriti, një gjendje e rëndë në shtatzëni, zakonisht trajtohet me antibiotikë intravenozë dhe medikamente të tjera gjatë shtrimit në spital. /Gazeta Shneta/