Kumiko Nakata, një studiues nga Japonia, zbuloi se valët elektromagnetike nga pajisjet WiFi, si telefonat celularë dhe router-ët në shtëpi, mund dëmtojnë në mënyrë të konsiderueshme spermatozoidët. 30% e problemeve të fertilitetit në çifte është për shkak të meshkujve
Sipas Organizatës Botërore të Shëndetësisë, rreth 15% e çifteve në botë kanë probleme kur vjen fjala për të krijuar një shtatzëni. Dhe të paktën një e treta e problemeve të fertilitetit vijnë nga burrat. Natyrisht, infertiliteti i meshkujve mund të shkaktohet nga shumë gjëra, si ajri i ndotur, stresi, dietat e varfra, gjenetika etj.
Por mund të ndodhë edhe që mbajtja e telefonit në xhep të jetë shkaktari që po pengon “rritjen e familjes suaj”.
Eksperimenti me ekspozimin ndaj WiFi
Shkencëtarët japonezë morën mostra nga një grup prej 51 burrash dhe i ndanë në 3 grupe. Ata gjithashtu përdorën një pajisje WiFi dhe një telefon celular.
Një grup i mostrave nuk u ekspozua para një routeri. Grupi i dytë u ekspozua, por kishte një mburojë mbrojtjeje nga WiFi. Dhe grupi i tretë kishte ekspozim të plotë. Mostrat u vendosën afër pajisjes WiFi, dhe u përsëritën para një telefoni celular. Sperma dëmtohet pas 2 orësh.
Zbulimet ishin pak të frikshme. Duke qenë nën ndikimin e një sinjali WiFi për 30 minuta nuk kishte ndonjë efekt, por nga ekspozimi më i gjatë filluan të shfaqeshin ndryshime. Pas vetëm 2 orëve shkalla e lëvizshmërisë tek spermatozoidet e grupit të paekspozuar ndaj WiFi ishte 53.3%, e grupit që përdori mburojë ishte 44.9%, dhe grupit të ekspozuar vetëm 26.4%. 24 orë më vonë norma e spermatozoideve të pajeta për grupin e ekspozuar ishte 23.3% krahasuar me 8.4% për mostrat e paekspozuara.
Kemi më shumë telefona celularë sesa njerëz.
Statistikat thonë se këto ditë, numri i telefonave celularë aktivë është më i madh se popullsia në botë, që do të thotë se shumë njerëz kanë më shumë se një telefon dhe efekti nga valët e tij mund të jetë tepër serioz dhe s’duhet injoruar.
Një zgjidhje e thjeshtë si mbajtja e telefonit në tavolinë në vend të xhepit do të bënte ndryshim për disa familje./Pernenat/