Një studim i ri sugjeron se konsumimi i një sasie të caktuar kafeje ose çaji mund të lidhet me uljen e rrezikut të zhvillimit të demencës, veçanërisht te njerëzit me tension të lartë.
Sipas hulumtimit, individët me hipertension që pinin gjysmë deri në një filxhan kafe ose katër deri në pesë filxhanë çaj në ditë kishin një rrezik më të ulët për të zhvilluar demencë, shkruan Medical News, transmeton Gazeta Shneta.
Tensioni i lartë i gjakut është një gjendje e zakonshme që rrit mundësinë e zhvillimit të demencës, dhe studimi, i publikuar në Scientific Reports, analizoi të dhënat e më shumë se 453,000 pjesëmarrësve për të shqyrtuar lidhjen midis konsumimit të kafeinës dhe rrezikut të demencës.
Edhe pse nevojiten më shumë të dhëna për të vërtetuar këto rezultate, ato sugjerojnë se konsumimi i moderuar i kafesë ose çajit mund të jetë një hap mbrojtës për ata me tension të lartë, duke ndihmuar në uljen e rrezikut të demencës./Gazeta Shneta/