Diabeti ka një ndikim të rëndësishëm në shëndetin e përgjithshëm, duke përshpejtuar procesin e plakjes së qelizave dhe duke shkaktuar dëme në shumë organe e inde, përfshirë sistemin kardiovaskular.
Një studim i fundit në kongresin e 30-të mbi Diabetin, mbajtur në Itali, theksoi se humbja e funksionit të kompartimentit staminal është një nga mekanizmat kryesorë që kontribuon në plakjen e parakohshme, shkruan BBC, transmeton Gazeta Shneta.
Mjekët paralajmëruan se dëmtimet ndodhin në arterie dhe në të gjithë sistemin kardiovaskular, duke rritur rrezikun e sëmundjeve të tjera.
Përveç pasojave kardiovaskulare, diabeti gjithashtu ndikon negativisht në sistemin riprodhues, duke shkaktuar disfunksione serioze të fertilitetit në të dy gjinjtë, madje edhe në moshë të re.
Specialistët theksojnë se diagnoza e hershme dhe trajtimi intensiv janë thelbësore për të menaxhuar sfidat që sjell kjo sëmundje komplekse.
Sipas statistikave, më shumë se 537 milion njerëz në të gjithë botën jetojnë me diabet, duke theksuar nevojën për ndërgjegjësim dhe veprim të shpejtë për parandalimin dhe menaxhimin e kësaj sëmundjeje./Gazeta Shneta/