Rreth 4% e shtatëvjeçarëve në Norvegji kanë astmë.
Është vërtetuar se përdorimi i antibiotikëve gjatë shtatzënisë ka qenë i lidhur me astmën tek fëmijët, mirëpo ka qenë e paqartë nëse janë antibiotikët apo infeksionet që janë shkaku kryesor, shkruan Medical Xpress përcjell Gazeta Shneta.
Në këtë studim, të botuar në Revistën Evropiane të Epidemiologjisë, studiuesit nga Instituti Norvegjez i Shëndetit Publik dhe Universiteti i Oulu, Finlandë, vendosën të dallojnë efektin e antibiotikëve nga infeksionet gjatë shtatzënisë në astmën e fëmijërisë.
Studiuesit analizuan të dhënat nga dy grupe të bazuara në popullatë, duke përfshirë 53,417 fëmijë në Studimin Norvegjez të Nënës, Babait dhe Fëmijës (MoBa) dhe 541,036 fëmijë në Regjistrin Mjekësor të Lindjeve në Norvegji.
Informacioni për infeksionet gjatë shtatzënisë ishte i disponueshëm në grupin MoBa, por jo në grupin e bazuar në regjistra.
Në të dyja grupet, përdorimi i antibiotikëve nga nëna gjatë shtatzënisë u shoqërua me astmën në moshën shtatë vjeçare të fëmijës.
Në grupin MoBa, fëmijët e nënave që përdorën dy ose më shumë antibiotikë gjatë shtatzënisë kishin një rrezik 54% më të lartë të astmës në moshën shtatë vjeçare krahasuar me fëmijët e nënave që nuk merrnin antibiotikë.
Rreziku i astmës ishte më i lartë nëse nënat merrnin antibiotikë në fazat e mëvonshme të shtatzënisë (17 javë ose më vonë) në grupin MoBa, por jo në grupin e bazuar në regjistër.
Autori kryesor i studimit, Aino Rantala, shpjegon se: “Ne zbuluam se në grupin MoBa lidhja ishte e varur nga doza, që do të thotë se sa më shumë antibiotikë të merrni, aq më i madh është rreziku. Rreziku gjithashtu duket se rritet me përdorimin e antibiotikëve. Kjo mund të jetë për shkak se në shtatzëninë e mëvonshme, përdorimi i antibiotikëve ka ndikimin më të fortë në mikrobiotën e foshnjës, e cila është e rëndësishme në zhvillimin e sistemit imunitar.”
Prandaj, Aino Rantala thekson rëndësinë e marrjes së antibiotikëve vetëm kur është e nevojshme.
“Meqenëse infeksionet e patrajtuara gjatë shtatzënisë mund të përbëjnë një rrezik edhe më të madh të astmës tek fëmijët sesa thjesht marrja e antibiotikëve, këshillohet që të merren antibiotikë të përshkruar që dihet se janë efektivë për infeksione specifike. Megjithatë, duke qenë se përdorimi i dy ose më shumë antibiotikëve gjatë shtatzënisë gjithashtu rrit rreziku e astmës, ndoshta nuk është e mençur të merren antibiotikë për çdo rast. Me fjalë të tjera, gratë shtatzëna duhet të përdorin akoma antibiotikë, por vetëm kur është e nevojshme.” /Gazeta Shneta/