Marrja e një suplementi të vitaminës D, me ose pa kalcium, nuk zvogëlon rrezikun e rënies dhe frakturave tek të moshuarit, sipas një draft rekomandimi të lëshuar nga Task Forca e Shërbimeve Parandaluese të SHBA (USPSTF).
Ky rekomandim përjashtoi njerëzit që jetojnë në shtëpi pleqsh ose objekte të tjera të kujdesit të menaxhuar dhe që mund të kenë kushte shëndetësore që i bëjnë ata të prekshëm nga rrëzimet.
Në vend të kësaj, Task Forca u përqendrua në atë nëse vitamina D dhe suplementet e kalciumit parandalojnë rëniet dhe frakturat tek të rriturit që jetojnë të pavarur, shkruan burimi Very Well Health transmeton Gazeta Shneta.
Sipas Qendrave për Kontrollin dhe Parandalimin e Sëmundjeve (CDC), afërsisht një e katërta e njerëzve 65 vjeç e sipër raportojnë rënie të paktën një herë në vitin e kaluar. Rënia mbetet shkaku kryesor i vdekjeve të lidhura me lëndimet në këtë grup.
Vitamina D dhe kalciumi janë thelbësore për shëndetin e kockave dhe funksioneve të tjera.
Megjithatë, për burrat më të vjetër se 60 vjeç dhe gratë pas menopauzës, suplementet nuk bëjnë asgjë për të zvogëluar shanset e rënies dhe thyerjes së kockave. /Gazeta Shneta.