Kontraktimi i gripit (influencës) gjatë shtatzënisë paraqet disa rreziqe shëndetësore si për ju, ashtu edhe për foshnjën tuaj.
Gjatë shtatzënisë, jeni më të prirura të prekeni nga gripi për shkak të ndryshimeve në sistemin imunitar të trupit, shkruan burimi Very Well Health përcjell Gazeta Shneta.
Shtatzënia gjithashtu rrit rrezikun për komplikime të gripit, si pneumonia. Nga ana tjetër, gripi rrit mundësinë për probleme si lindja e parakohshme, humbja e shtatzënisë dhe defektet në lindje.
Gratë, mes tjerash, mund të vërejnë se simptomat e gripit janë më të forta sesa herët e tjera që e kanë kaluar atë para shtatzënisë.
Simptomat e mundshme përfshijnë:
– Ethe (të dridhura).
– Diarre.
– Temperaturë.
– Dhimbje koke.
– Lodhje e theksuar.
– Dhimbje muskujsh.
– Bllokim i hundës.
– Nauze.
– Dhimbje fyti dhe
– Të vjella.
Gjatë shtatzënisë, jeni veçanërisht të ndjeshme ndaj simptomave respiratore, sidomos atyre që shkaktojnë vështirësi në frymëmarrje, për shkak të ndryshimeve në anatominë dhe kapacitetin e mushkërive.
Kjo mund t’ju bëjë më të rrezikuara për infeksione në mushkëri, si bronkiti apo pneumonia, si pasojë e gripit. Gjithashtu, një temperaturë e lartë për shkak të gripit është lidhur me një rritje të rrezikut për defekte të tubit nervor tek fetusi dhe me nevojën për hospitalizim. /Gazeta Shneta/