I pari “mjet biologjik goditës” i miratuar për trajtimin e kancerit të gjirit sapo ka bërë një hap më afër për t’u miratuar si trajtim i linjës së parë për pacientet me kancer të gjirit metastatik HER2-pozitiv.
Enhertu (me substancë aktive trastuzumab deruxtecan) është një konjugat antitrup–ilaç, një klasë e re ilaçesh që synon në mënyrë më të saktë dhe shkatërron qelizat kancerogjene krahasuar me kimioterapinë standarde, shkruan burimi Very Well Health përcjell Gazeta Shneta.
Prova klinike për të testuar Enhertu si terapi e linjës së parë është ende në zhvillim. Javën e kaluar, kompanitë farmaceutike Daiichi Sankyo dhe AstraZeneca ndanë rezultatet kryesore të deritanishme nga studimi.
Ata raportuan se Enhertu, në kombinim me pertuzumab, tregoi një “përmirësim shumë të rëndësishëm statistikisht dhe klinikisht domethënës” në mbijetesën pa progresion të sëmundjes, krahasuar me kombinimin standard të ilaçeve të linjës së parë. /Gazeta Shneta/