Ndërsa shtatëzania juaj përparon, është një ndjenjë e natyrshme që të filloni të krijoni lidhje me fëmijën tuaj, duke i kënduar apo duke i folur atyre.
Por shumë gra pyesin nëse kjo është thjesht një rutinë e kotë apo ka një arsye shkencore pas saj. Kur në fakt, foshnja fillon të dëgjojë?
Dëgjimi i foshnjës zhvillohet nga java e gjashtë e shtatëzanisë, kur qelizat e trurit, fytyrës, veshëve dhe pjesëve të tjera të trupit të foshnjës fillojnë të organizohen, shkruan Very Well Family përcjell Gazeta Shneta.
Edhe pse në ultratinguj nuk mund të shihen ende veshët, zhvillimi i strukturave të veshëve të brendshëm ka nisur.
Në javën e nëntë, shfaqen shënime të vogla në anët e qafës që tregojnë vendin e ardhshëm të veshëve. Këto struktura do të lëvizin drejt vendit të duhur gjatë tremujorit të parë dhe të dytë.
Në javën e gjashtëmbëdhjetë, veshët e foshnjës janë zhvilluar sa duhet për të filluar të ndiejnë disa tinguj.
Foshnja mund të dëgjojë tingujt si rrahjen e zemrës suaj, gurgullimin në stomakun tuaj dhe tingujt e frymëmarrjes tuaj.
Ky proces tregon se foshnja fillon të bëhet e ndjeshme ndaj mjedisit përreth dhe është një hap i rëndësishëm në zhvillimin e saj. /Gazeta Shneta/