Një ekip studiuesish nga Hannoveri ka hedhur dritë mbi rolin e T qelizave në dëmtimin e mushkërive te pacientët me sklerozë sistemike dhe sindromën e Sjögren-it, dy sëmundje autoimune që mund të prekin rëndë edhe aparatin respirator.
Sipas studimit të publikuar në revistën Rheumatology, tek të dyja grupet e pacientëve u zbuluan ndryshime të theksuara në T qelizat, të cilat në mushkëri tregonin shenja të lodhjes imunitare – një gjendje e ngjashme me atë që ndodh te pacientët me COVID-19 ose me kancer.
Kjo gjendje ndikon në përkeqësimin e funksionit imunitar dhe përhapjen e inflamacionit e fibrozës në mushkëri, shkruan MedicalXpress, transmeton Gazeta Shneta.
Ekspertët thonë se terapitë e reja që synojnë këto qeliza mund të përmirësojnë trajtimin dhe të ndalojnë përparimin e sëmundjes.
Ky është një hap i rëndësishëm drejt kuptimit më të thellë të mekanizmave imunitarë që qëndrojnë pas sëmundjeve autoimune që prekin mushkëritë./Gazeta Shneta/