Zakonisht, suplementet e vitaminës D përdoren për shëndetin e kockave ose për të përballuar mungesën e dritës së diellit në dimër. Por një studim i publikuar së fundmi tregon një mundësi të re: vitamina D mund të vonojë plakjen biologjike.
Hulumtimi përdori të dhëna nga një grup njerëzish që morën 2,000 njësi ndërkombëtare (IU) vitaminë D3 çdo ditë për pesë vjet. Duke matur gjatësinë e telomereve – pjesë të kromozomeve që shkurtohen me plakjen – studiuesit zbuluan se këta njerëz kishin humbje më të vogël të telomereve, si të kishin parandaluar tri vjet plakje në katër vite, shkruan burimi Health News transmeton Gazeta Shneta.
Megjithatë, ekspertët paralajmërojnë se kjo është vetëm një lidhje dhe jo një provë e fortë. Efekti u mat vetëm në disa lloje të qelizave (qelizat e bardha të gjakut), dhe nuk dihet nëse kjo vërtet ndihmon trupin të qëndrojë më i ri. Për më tepër, nuk ka ende prova që kjo lidhet me shëndet më të mirë real ose jetëgjatësi.
Ekspertët si Dr. David Seres thonë se njerëzit nuk duhet të fillojnë të marrin suplemente të vitaminës D për plakje më të ngadaltë. Vitamina D është e rëndësishme për shëndetin e kockave dhe muskujve, por për parandalimin e plakjes, duhen më shumë studime.
Për shumicën e njerëzve, ekspozimi në diell dhe dieta e shëndetshme janë të mjaftueshme për të marrë vitaminën D.
Disa grupe – si të moshuarit ose personat me sëmundje të caktuara – mund të kenë nevojë për suplemente, por për të tjerët, efektet e mundshme anti-plakje nuk janë të provuara. /Gazeta Shneta/