Ankthi mund të shfaqet në mënyra nga më të ndryshmet, dhe ndonjëherë simptomat e tij janë aq të fshehta, sa shpesh ngatërrohen me probleme të tjera shëndetësore.
Një nga shenjat më pak të njohura, por mjaft e zakonshme, është ndjesia e shpeshtë për të urinuar, edhe kur fshikëza nuk është plot.
Sipas ekspertëve të shëndetit mendor dhe urologjisë, shumë persona që vuajnë nga ankthi raportojnë një nevojë urgjente dhe të përsëritur për të shkuar në tualet, sidomos gjatë momenteve të stresit apo tensionit emocional.
Kur jemi të stresuar apo përjetojmë një episod ankthi, aktivizohet sistemi nervor simpatik – mekanizmi që përgatit trupin për reagim të menjëhershëm ndaj një “kërcënimi”.peshtë për të urinuar, edhe kur fshikëza nuk është plot.
Ky reagim përfshin tkurrjen e muskujve të fshikëzës dhe rritjen e ndjeshmërisë në zonën pelvike, duke shkaktuar ndjesinë e rreme të nevojës për urinim.
Nëse kjo ndjesi shfaqet shpesh, pa lidhje me sasinë e lëngjeve që konsumoni apo pa ndonjë shkak urologjik të dukshëm, atëherë mund të jetë një sinjal i ankthit.
Shpesh, ky shqetësim shoqërohet edhe me simptoma të tjera tipike si:
-Rrahje të shpejta të zemrës
-Djersitje të tepruar
-Vështirësi në frymëmarrje
-Dridhje apo tension të muskujve
Nëse dyshoni se kjo simptomë ka një bazë emocionale, rekomandohet të konsultoheni me një psikolog apo psikiatër. Terapitë kundër ankthit, teknikat e relaksimit dhe ushtrimet e frymëmarrjes mund të ndihmojnë ndjeshëm në lehtësimin e simptomave.
Ankthi është i trajtueshëm – rëndësi ka ta njihni dhe ta përballoni me ndihmën e duhur.