Gjatë shtatzënisë, shumë gra vërejnë që flokët e tyre bëhen më të dendura dhe se u rriten më shumë qime në trup. Kjo ndodh për shkak të rritjes së nivelit të estrogjenit, i cili zgjat fazën e rritjes së flokëve.
Flokët mund të duken më të plotë që nga java e 15-të e shtatzënisë, por kjo nuk do të thotë se fijet janë më të trasha — thjesht bien më pak.
Gjithashtu, mund të ketë rritje të qimeve edhe në pjesë ku zakonisht nuk ka, si në fytyrë, bark, gjoks ose krahë. Në përgjithësi, flokët i kthehen gjendjes së mëparshme brenda 6 muajve pas lindjes, shkruan burimi Medical News Today transmeton Gazeta Shneta.
Pas lindjes, shumë gra përjetojnë rënie të flokëve, e njohur si “telogjen effluvium”. Rreth 3 muaj pas lindjes, nivelet e estrogjenit bien shpejt, çka e çon ciklin e flokëve në fazën e rënies. Kjo rënie është e përkohshme dhe zakonisht ndalet brenda 6 muajve. Flokët zakonisht kthehen në dendësinë e mëparshme brenda një viti.
Për ta menaxhuar, dermatologët rekomandojnë:
– përdorimin e shampos dhe balsamit volumizues,
– shmangien e balsamit të rëndë ose “intensiv”,
– aplikimin e balsamit vetëm në majat e flokëve,
– stilimin ndryshe për të krijuar iluzionin e flokëve më të dendura.
Një dietë e shëndetshme me perime, fruta, proteina dhe yndyra të mira ndihmon rreth rikuperimit.
Ushqime të dobishme për flokët përfshijnë peshk, barishte, fasule dhe arra. Po ashtu, stresi mund të ndikojë negativisht, prandaj teknikat e relaksimit, aktiviteti fizik dhe meditimi janë të rëndësishme. /Gazeta Shneta/